Temakveld med Ottar Kåsa

Temakveld om felebygging
Onsdag 17. okt kl 19 på Haugsæl

Ottar Kåsa vann Landskappleiken klasse A både i 2011 og i 2012, til og med på fele han hadde laga sjølv! Han har gjeve ut sin fyrste solo-cd, og for denne fekk han Folkelarmpris no i haust. I 2010 hadde han ei sentral rolle i konserten “Bull & Myllaren anno 2010” på Den Norske Opera i lag med fiolinisten Ragnhild Hemsing og skodespelar Nils Sletta. Han har og halde konsertar og kurs både i Noreg og i utlandet.

Ottar er ein av få i landet som har utdanna seg som instrumentmakar, dette gjev ein ekstra dimensjon til spelemannsvirket hans. Han starta for alvor som felemakar i 2005, då kom han i lære hjå Sigvald Rørlien på Ole Bull akademiet på Voss. Her gjekk han i 3 år, og etter det etablera han seg med eigen verkstad i Bø i Telemark. Under årets landskappleik på Otta vann han instrumentutstillinga med den siste hardingfela si!
Han seier sjølv at nettopp samspelet mellom spelemannen og instrumentet interesserer han veldig. På plata si spelar han på to av felene han har bygd sjølv.
Ottar Kåsa kjem til Haugsæl i kveld, fyrst og fremst for å fortelje om arbeidet sitt som felemakar, men truleg dreg han eit par slåttar og.
Ta ein titt på heimesida hans: http://www.felemakar.no/
Kaffe, velkomen !

Det er stengt for kommentarer.

Tilbake